常像泷泽秀明，她也生出了兴趣，与杨凤瑶讨论了起来。

瞧到她们这样，我冷笑一声，道：「生得靓仔又点？似泷泽秀明又点喔？你知唔知佢系黑社会，搅大咗几多nV同学个肚，呃咗几多囡去跑私钟啊！」

杨凤瑶笑了笑，道：「成皇志，你系咪妒忌人生得靓仔啧？」

我冷哼一声：「你真系中咗古惑仔毒喇，天真到以为黑社会个个好似浩南哥咁，又靓仔又好打、重情重义啊！戏嚟架咋！黑社会衰到贴地，无钱无权嘅扰民、有钱有权嘅就祸国殃民，以为生得靓仔就系好人啊？懵盛盛咁，畀人卖落火坑，仲帮人数银纸，就系你依啲人喇！」

柳YAn道：「凤瑶，成皇志，讲得啱啊！黑社会无好人架，你千祈唔好痴埋依啲人到啊！」

杨凤瑶嗔道：「学姐，连你都觉得我会咁蠢，同啲黑社会来往咩？我只系觉得汤仲谋生得靓仔啧。」

到了荔景地铁站，我问道：「你地搭咩车？我要落荃湾影印铺攞番啲中史书。」

1

柳YAn道：「我都系住系荃湾附近，顺路，一齐行。」

杨凤瑶向我们挥手道：「我住青衣，系依边搭，拜拜。」

我与柳YAn上了开往荃湾的地铁，柳YAn问道：「成皇志，你住边架？」

「石梨，石梨一村。」

「返学都好近喎。」

「系呢？学姐本身读边间中学？」

「GU超人。」

「GU超人，系葵盛喎！」

「系啊！我会考得十四分，GU超人唔收，所以依家嚟咗吴林紫娣读。」

「学姐，你觉得唔开心？本身读开BAND2学校，突然要转嚟BAND４嘅吴李紫娣读。」

1

「唔系啊，唔系，我唔系话依间学校差，只系我爸爸唔锺意，我觉得依间学校几好喔！有T育馆、有泳池、个礼堂又大又靓。」

「学姐，你都好多才多艺喔！又做学生会主席、又系红社副社长、又参加辩论队、又识拉二胡，应该好受欢迎。」

「边系喔！你头先都见，我啲广东话唔好，成日畀人笑大陆妹，仲要廿岁先读中六，我无乜朋友架！喺依间学校最熟都系凤瑶。」

「你落咗嚟几耐？」

「我十七岁同阿妈一齐系杭州落嚟。」

「落嚟三年啲广东话G0u通到算系咁啦，你起码肯融入香港，仲咁积极参加活动，有啲人移民去外国，都系屈喺唐人街讲中文咋！至於你话廿岁先读中六，我知道有条友考咗五次会考，之後又跳街舞、又出书、又做社工，最後仲做埋议员添，几励志啊！」

「吓！个议员叫咩名。」

被柳YAn突然一问，我才想起那名把标点符号运用得出神入化的议员与我同年，这时连第一次会考亦未参加。

我蒙混道：「哦！佢虽然受万人景仰，但系为人好低调架，都系讲返你点识杨凤瑶啦！你住荃湾、佢住青衣；你系红社、佢系绿社；你地都唔同ＦＯＲＭ嘅，咁都识到又几奇。」

柳YAn笑道：「我未入嚟吴林紫娣已经识凤瑶，我地三四年前系社区中心嘅活动识，跟住一齐做义工就慢慢熟络。」

1

「做义工？估唔到个Si妹钉咁有Ai心喎！」

「其实凤瑶系一个好好嘅nV仔，心地又好，人又靓，好似有几个男仔想追佢。」

「系咩？边几个啊？」

柳YAn笑道：「做咩啊？你好似好紧张咁，乜你又锺意凤瑶咩？」

「锺意佢嘅系陆泳祥，但系你千祈唔好同杨凤瑶讲啊！」

「吓！陆泳祥锺意凤瑶？」柳YAn摇了摇头，道：「但睇嚟凤瑶唔会锺意佢？」

我苦笑道：「睇嚟都似嘞！」

「成皇志，你有无拍拖啊？」

柳YAn的话让我想起了管佳莉，我摇头苦笑，道：「分咗手两三个月。」

「你依家无拍拖，不如试下同凤瑶拍拖喔？我见佢对你嘅态度同其他男仔有啲唔同。」

1

我笑道：「咁可能代表b起其他男仔，佢更讨厌我啧。」

「咁好嘅nV仔，你咁讲你对佢无意思？」